Mushaf Page 591

صفحة ٥٩١

86:1 – 87:152 Surah

Surah at-tariq 86:1–17

Mərhəmətli, rəhmli Allahın adı ilə!

  1. وَالسَّمَاءِ وَالطَّارِقِ
    And olsun göyə və gecə gələnə! (Gecə peyda olub gündüz qeyb olana!)
  2. وَمَا أَدْرَاكَ مَا الطَّارِقُ
    (Ya Peyğəmbər!) Sən nə bilirsən (haradan bilirsən) ki, gecə gələn nədir?!
  3. النَّجْمُ الثَّاقِبُ
    (O, zülməti yaran) parlaq ulduzdur!
  4. إِن كُلُّ نَفْسٍ لَّمَّا عَلَيْهَا حَافِظٌ
    Elə bir kimsə yoxdur ki, onun üstündə bir gözətçi (mələk) olmasın!
  5. فَلْيَنظُرِ الْإِنسَانُ مِمَّ خُلِقَ
    Elə isə insan nədən yaradıldığına (bəsirət gözü ilə) bir baxsın!
  6. خُلِقَ مِن مَّاءٍ دَافِقٍ
    O, axıb tökülən bir sudan (nütfədən) yaradılmışdır.
  7. يَخْرُجُ مِن بَيْنِ الصُّلْبِ وَالتَّرَائِبِ
    (O su kişilərin) bel sümüyündən, (qadınların isə) köks sümüyündən çıxar!
  8. إِنَّهُ عَلَىٰ رَجْعِهِ لَقَادِرٌ
    Həqiqətən, (Allah) insanı (öləndən sonra) yenidən diriltməyə qadirdir! -
  9. يَوْمَ تُبْلَى السَّرَائِرُ
    Bütün sirlərin aşkar olacağı o qiyamət günü;
  10. فَمَا لَهُ مِن قُوَّةٍ وَلَا نَاصِرٍ
    (O gün) insanın nə (əzabı dəf edəcək) bir qüvəsi, nə də bir köməkçisi olar!
  11. وَالسَّمَاءِ ذَاتِ الرَّجْعِ
    And olsun yağış sahibi olan göyə;
  12. وَالْأَرْضِ ذَاتِ الصَّدْعِ
    And olsun (növbənöv bitkilər yetirmək üçün) yarılan yerə ki,
  13. إِنَّهُ لَقَوْلٌ فَصْلٌ
    Bu (Qur’an haqla nahaqqı) ayırd edən kəlamdır!
  14. وَمَا هُوَ بِالْهَزْلِ
    O, oyun-oyuncaq (əyləncə) deyildir!
  15. إِنَّهُمْ يَكِيدُونَ كَيْدًا
    Həqiqətən, (Məkkə müşrikləri Qur’anın nurunu söndürmək üçün) hiylə qurdular.
  16. وَأَكِيدُ كَيْدًا
    Mən də (hiylələrinə qarşı) onlara cəza verirəm.
  17. فَمَهِّلِ الْكَافِرِينَ أَمْهِلْهُمْ رُوَيْدًا
    Elə isə (ya Peyğəmbər!) kafirlərə möhlət ver! Onlara azacıq möhlət ver!

Surah al-ala 87:1–15

Mərhəmətli, rəhmli Allahın adı ilə!

  1. سَبِّحِ اسْمَ رَبِّكَ الْأَعْلَى
    (Ya Peyğəmbər!) Ən uca olan Rəbbinin adını pak (müqəddəs) tutub şə’ninə təriflər de!
  2. الَّذِي خَلَقَ فَسَوَّىٰ
    O Rəbbin ki, (hər şeyi) xəlq etdi və nizama saldı.
  3. وَالَّذِي قَدَّرَ فَهَدَىٰ
    O Rəbbin ki, (hər şeyin keyfiyyətini, xüsusiyyətini, davam müddətini) əzəldən müəyyən etdi və (hamıya) yol göstərdi.
  4. وَالَّذِي أَخْرَجَ الْمَرْعَىٰ
    O Rəbbin ki, (torpağı yarıb ondan yamyaşıl) otlar çıxartdı.
  5. فَجَعَلَهُ غُثَاءً أَحْوَىٰ
    Sonra da onu (qupquru) qara çör-çöpə döndərdi.
  6. سَنُقْرِئُكَ فَلَا تَنسَىٰ
    (Ya Peyğəmbər!) Biz sənə (Qur’anı) oxudacağıq və sən (onu) unutmayacaqsan;
  7. إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ
    Yalnız Allahın dilədiyindən (hökmünü ləğv etdiyimiz bu və ya digər ayədən) başqa! Şübhəsiz ki, O, aşkarı da, gizlini də bilir!
  8. وَنُيَسِّرُكَ لِلْيُسْرَىٰ
    Biz sənə ən asan olanı (islam şəriətini) müyəssər edərik.
  9. فَذَكِّرْ إِن نَّفَعَتِ الذِّكْرَىٰ
    (Ya Peyğəmbər!) Əgər nəsihət etmək fayda versə, (ümmətinə Qur’anla) öyüd-nəsihət ver!
  10. سَيَذَّكَّرُ مَن يَخْشَىٰ
    (Allahdan) qorxan kimsə mütləq öyüd-nəsihət qəbul edəcəkdir!
  11. وَيَتَجَنَّبُهَا الْأَشْقَى
    Bədbəxt (kafir) isə ondan (öyüd-nəsihətdən) qaçacaqdır.
  12. الَّذِي يَصْلَى النَّارَ الْكُبْرَىٰ
    (O bədbəxt ki) ən böyük oda (cəhənnəm oduna) girəcəkdir.
  13. ثُمَّ لَا يَمُوتُ فِيهَا وَلَا يَحْيَىٰ
    Orada nə öləcək, nə də yaşayacaqdır! (Nə ölü kimi ölü, nə də diri kimi diri olacaqdır!)
  14. قَدْ أَفْلَحَ مَن تَزَكَّىٰ
    (Günahlardan) təmizlənən kimsə isə nicat tapacaqdır.
  15. وَذَكَرَ اسْمَ رَبِّهِ فَصَلَّىٰ
    O kimsə ki, Rəbbinin adını zikr edib namaz qılar!