Mushaf Page 375

صفحة ٣٧٥

26:184 – 26:2061 Surah

Surah ash-shuara 26:184–206

  1. وَاتَّقُوا الَّذِي خَلَقَكُمْ وَالْجِبِلَّةَ الْأَوَّلِينَ
    "Kuma ku ji tsõron Allah wanda Ya halitta ku, kũ da jama'ar farko."
  2. قَالُوا إِنَّمَا أَنتَ مِنَ الْمُسَحَّرِينَ
    Suka ce: "Kai dai daga waɗanda suke sihirtattu kawai ne."
  3. وَمَا أَنتَ إِلَّا بَشَرٌ مِّثْلُنَا وَإِن نَّظُنُّكَ لَمِنَ الْكَاذِبِينَ
    "Kuma bã kõwa kake ba, fãce mutum kamarmu kuma lalle ne munã zaton ka, haƙĩƙa, daga maƙaryata."
  4. فَأَسْقِطْ عَلَيْنَا كِسَفًا مِّنَ السَّمَاءِ إِن كُنتَ مِنَ الصَّادِقِينَ
    "To ka jẽfo wani ɓaɓɓake daga sama a kanmu, idan ka kasance daga mãsu gaskiya."
  5. قَالَ رَبِّي أَعْلَمُ بِمَا تَعْمَلُونَ
    Ya ce: "Ubangijĩna ne Mafi sani ga abin da kuke aikatãwa."
  6. فَكَذَّبُوهُ فَأَخَذَهُمْ عَذَابُ يَوْمِ الظُّلَّةِ ۚ إِنَّهُ كَانَ عَذَابَ يَوْمٍ عَظِيمٍ
    Sai suka ƙaiyatã shi, sabõda haka, azãbar rãnar girgije ta kãma su. Lalle ne ita, tã kasance azãbar yini mai girma.
  7. إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ
    Lalle a cikin wancan haƙĩka akwai ãya, amma mafi yawansu ba su kasance mãsu ĩmãni ba.
  8. وَإِنَّ رَبَّكَ لَهُوَ الْعَزِيزُ الرَّحِيمُ
    Kuma lalle Ubangijĩnka, haƙĩƙa, Shĩ ne Mabuwãyi, Mai jin ƙai.
  9. وَإِنَّهُ لَتَنزِيلُ رَبِّ الْعَالَمِينَ
    Kuma lalle shi (Alƙur'ãni), haƙĩƙa, saukarwar Ubangijinhalittu ne.
  10. نَزَلَ بِهِ الرُّوحُ الْأَمِينُ
    Rũhi amintacce ne ya sauka da shi.
  11. عَلَىٰ قَلْبِكَ لِتَكُونَ مِنَ الْمُنذِرِينَ
    A kan zũciyarka, dõmin ka kasance daga mãsu gargaɗi.
  12. بِلِسَانٍ عَرَبِيٍّ مُّبِينٍ
    Da harshe na Larabci mai bayãni.
  13. وَإِنَّهُ لَفِي زُبُرِ الْأَوَّلِينَ
    Kuma lalle shin, haƙĩƙa, yanã a cikin litattafan (Manzannin) farko.
  14. أَوَلَمْ يَكُن لَّهُمْ آيَةً أَن يَعْلَمَهُ عُلَمَاءُ بَنِي إِسْرَائِيلَ
    Ashe, bai kasance ãyã ba a gare su, ya zama Mãlaman Banĩ Isrã'ĩla sun san shi?
  15. وَلَوْ نَزَّلْنَاهُ عَلَىٰ بَعْضِ الْأَعْجَمِينَ
    Kuma dã mun saukar da shi a kan sãshen Ajamãwa,
  16. فَقَرَأَهُ عَلَيْهِم مَّا كَانُوا بِهِ مُؤْمِنِينَ
    Ya karanta shi a kansu, ba su kasance sabõda shi mãsu ĩmãni ba.
  17. كَذَٰلِكَ سَلَكْنَاهُ فِي قُلُوبِ الْمُجْرِمِينَ
    Kamar wancan ne! Muka shigar da shi a cikin zukãtan mãsu laifi.
  18. لَا يُؤْمِنُونَ بِهِ حَتَّىٰ يَرَوُا الْعَذَابَ الْأَلِيمَ
    Bã zã su yi ĩmãni da shĩ ba sai sun ga azãbar nan mai raɗadi.
  19. فَيَأْتِيَهُم بَغْتَةً وَهُمْ لَا يَشْعُرُونَ
    Sai ta taho musu kwatsam, alhãli kuwa sũ, ba su sansance ba.
  20. فَيَقُولُوا هَلْ نَحْنُ مُنظَرُونَ
    Sai su ce: "Shin, mu waɗanda ake yi wa jinkiri ne?"
  21. أَفَبِعَذَابِنَا يَسْتَعْجِلُونَ
    Ashe, to, da azãbarMu suke nẽman gaggãwa?
  22. أَفَرَأَيْتَ إِن مَّتَّعْنَاهُمْ سِنِينَ
    Ashe, to, kã gani, idan Muka jĩshe su daɗi a shẽkaru,
  23. ثُمَّ جَاءَهُم مَّا كَانُوا يُوعَدُونَ
    Sa'an nan abin da suka kasance anã yi musu wa'adi (da shi) ya jẽ musu,